انا لله وانا اليه راجعون

احنا امس سافرنا للاسكندرية عشان نصيف فيها

واليوم الصبح رحنا للبحر عشان اخواني يبون يسبحون

المهم ابوي واختي واخواني الثلاثة راحو عند البحر

وانا وامي قعدنا على الرمل

والجماعة الحلوين (اللي هم ابوي واختي واخواني الثلاثة ) قاعدين يلعبون ويسبحون ومو حاسين باي شي

والتفت لليمين والاقي الناس متجمعين

وطبعا انا ما اقدر اروح وادخل وسط الرجال

وكنت متحمسة مرة انا وامي نبي نعرف وش السالفه

وسمعنا من الرجال اللي راجعين انه واحد غرق

وانا مو شايفة شي ابيهم يوخرون شوي عشان اشوف

بعدين سمعنا من العيال اللي راحو لامهاتهم انه مات

وسامعين الناس قاعدين يصفرون ويقولون يلى بسرعة بسرعة

والتفت لليسار والاقي 4 رجال جايين ركض

وعرفت انهم من الاسعاف

راحو لمهم وبعد حوالي ربع ساعة رجعوا ومنزلين رؤوسهم ويقولون الله يرحمه

واخذو فرشة واحد من اللي قاعدين على الشاطئ وغطوه بها

وصار شكله كانه متكفن

والجماعة الحلوين ولا حاسين باي شي

وامي قالت يمكن مامات يمكن هم تساهلو وما شافوه زين

وقعدنا انا وامي ننادي على ابوي واختي واخواني ولا احد سامع

بالصدفة التفتت اختي علينا رحنا اشرنا لها انها تجي

فجت وقلنالها تنادي لابوي

وابوي طبيب فقالتله امي يروح يشوفه يمكن مامات

وراح ابوي ورجع وقالنا انه ولد حوالي 15 او 16 سنة وانه كان رايح للبحر مع صديقه وما كان يعرف يسبح وغرق ومات من زمان واليوم الامواج كانت عالية فسحبته للشاطئ والناس شافوه واخذوه

قالت امي لاحول ولا قوة الا بالله شفتو كيف كان رايح يسبح وينبسط وبالاخير مات انا لله وانا اليه راجعون

انا شوي وابكي وابوي نسى السالفة وراح يلعب مع اخواني وامي قاعدة تقولي شفتي كيف توه صغير ومات شفتي كيف ما ينفع الواحد يقول انا لسه صغير وقاعدة تقول لي نصايح

بعد شوي جت الشرطة ووخروا الناس من عنده ورفعو الغطا من على وجهه

تتوقعون كيف كان شكله ؟؟؟؟؟؟؟؟؟؟؟؟؟؟؟؟؟؟؟




كان وجهه اسسسسسسسسسسسسسسود ومنتفخ بقووووووووووة كان شكله مررررررررررعب

امي ما شافته بس انا شفته لاني كنت مغطية على امي براسي ابي اعرف وش اللي يصير

المهم الشرطة قعدو يكتبون اشياء وبعدين غطوا وجهه واتصلو على الاسعاف

جو الاسعاف وشالو الغطا من عليه بس للاسف من تجمع الناس ماشفته

المهم شالو عنه الغطا ودخلوه بكيس لونه برتقالي وبعدين حطوه بشي كذا كانه سرير بس بدون ارجل

وشالوه وحطوه بالسيارة وراحو

والمصيبة انه مو عارفين مين هم اهله لانه كان طالع مع صديقه

شفتوا يابنات كيف ؟؟؟

لا تقولون انا لسة صغيرة ، انا لما اكبر اتوب ، خليني استمتع بحياتي ، والكلام الاهبل اللي ماله فايدة هذا

هذا اكبر دليل انا شفته بعيووووووووني ولد صغير بسنكم يمكن بعد كان يقول انا لما اكبر اتوب

شفتو ولد بمثل اعماركم كان رايح يلعب ويسبح وينبسط راح مات

بنات اتقوا الله ولا تقولون هذا الكلام

ان شالله الله يرحمه ويسكنه فسيح جناته ويصبر اهله على فراقه

الله يرحمه
شكراً للنقل

نسمة الايمان : لا لا نسمة لا تقولين كذا انا سألت ابوي وقلتله هو اسود اصلا ؟ولا وجهه اسود بعد مامات ؟

قالي والله ما ادري بس اللي يموت غرقا لازم يسود ويصير منتفخ وقال كلام انجليزي بالطب ما فهمت معناه

شهد : شكرا على نقل ايش ؟

امين

انا لله وانا اليه راجعون
ربي يرحموا

ان شاء لله الله يرحمه ويسكنه فسيح جناته ويصبر اهله على فراقه ,,, اللهم آمين

انا لله وانا اليه راجعون
ربنا يرحمو انا عمرى مرحت اصيف لانى بابا
مش بيحب اننا نصيف

ربنا يرحمه واستغفر الله

اللهم آمييييييييييييييين

ربنا يرحمو نسومه محدش يقول على حد كدا

حطى نفسك بعد الشر يعى كانه


مش هتحبى كده وادعيلو بالغفران